Agelmim Superior (s tanglizit: Lake Superior; s tefṛensist: Lac Supérieur), d netta ay d agelmim ameqran akk deg Yigelmimen Imeqranen yellan ɣef tlisa gar Kanada ed Yiwunak Yeddukklen. Seg ugafa (nord), tḥudd-it-id temnaḍt takanadit n Ontario akked uwanak amarikani n Minnesota. Seg wenẓul (sud), ḥudden-t-id yiwunak imarikaniyen n Wisconsin ed Michigan. Agelmim n Superior d netta d agelmim ameqran akk deg umaḍal seg yidis n tjumma (superficie): 127.700 km2 (yikilumitren imkuẓen).